كلمتين للناس الكيوت اللي مصممين يقلوا مننا : الناس اللي بتقول أننا دخلاء مهن برضه وبنشتغل ف التحاليل الطبية ! حبيبي مين قالك اننا دخلاء ع...
كلمتين للناس الكيوت اللي مصممين يقلوا مننا :
الناس اللي بتقول أننا دخلاء مهن برضه وبنشتغل ف التحاليل الطبية !
حبيبي مين قالك اننا دخلاء ع المجال ؟
تقدر تقولي مجال التحاليل ف مصر مين الاحق بيه ؟
التحاليل بيشتغل فيها بتوع علوم و بيطري و صيدله هل دول مجالهم الأساسي تحاليل + هل خريج طب ده مجاله الأساسي !
هنفترض انه مش مجالنا هل وزاره الصحة فاتحلنا الدنيا واي خريج من زراعة بيشتغل ف التحاليل؟ !
ده احنا عشان نشتغل ف المجال بنضطر نعمل دبلومه او ماستر ف الكيمياء الحيوية لمده سنتين بعد كده بيخلونا نرفع قضية عشان يشوفوا هل الماستر ده او دبلومه معتمده ولا لا والقضية تقعد تعك معاك سنه او اكتر !
عدد خريجين زراعة اللي بيشتغلوا ف التحاليل لا يتجاوز 2% !
...
بلاش التحاليل ف شوية كيوت كمان بيقولوا ما احنا ممكن نفتح عيادة تغذية !
لا ي باشا متقدرش لازم يكون معاك طبيب ف المكان او تاخد ترخيص منه... ممكن تفتح مركز سمنه ونحافه وده عادي بحكم دراستك ف الكلية و الدبلومه اللي هتعملها هتبقا مؤهل لكده ! ما انت مش هتجيب سماعة وتكشف!
ولو المجال طبي اوي كده ومهم عند الأطباء والله ما كان سبوه لينا ..أغلب ناس اللي بتشتغل ف التغذية خريجين علاج طبيعي لكن انت صعب او قليل لما تلاقي دكتور تغذية من بشري !
...
نيجي لناس الكيوت اللي بيقولوا احنا عندنا قسم إنتاج حيواني و دخلاء ع بتوع بيطري !
احنا مش بنعالج ولا بنكشف ع البهايم والله احنا مجالنا التغذية و رعاية فقط والمهندس الزراعي هو اللي بيقدر يدير المزرعة لانه هو اللي بيبقا موجود باستمرار ف المكان !
ومفيش مهندس زراعي يقدر يفتح عيادة بيطرية..ده دلوقتي بقا في فرض اساسي مفيش مزرعة تشتغل إلا بوجود طبيب بيطري و ده بعد سعي من البيطريين عشان يحافظوا ع مهنتهم كان الأولي و ع أقل تقدير يتقال لازم يبقا موجود مهندس زراعي لكن احنا محدش هيسمعلنا ولا حد هيفكر فينا !
احنا مش دخلاء مهن وناس اللي موجوده ف الكلية دي وبتقلل منها بدون علم ياريت تخفوا العسل شوية ولو انتو مش فارق معاكم حاجة ع أقل تقدير اعطوه فرصة لناس اللي خايفه تتخرج ومتلقيش ولا شغل ولا تقدير بعد سنوات الدراسة دي كلها !
احنا مش عاوزين غير حقنا ولو بتوع صيدله هياخدوا تكليف عشان يشتغلوا ف المكملات الغذائية ياريت نحن ناخد تكليف ف مجالنا ف الهيئة!
وياريت ذي ما بقا شرط اساسي وجود طبيب بيطري ف المزرعة ياريت يبقا نفس كلام للمهندس الزراعي !
للعلم رئيس الهيئة القومية لسلامة الغذاء نفسها خريج زراعة جامعة عين شمس ❤
وبتوع بيطري وصيدله بيتخانقوا مع بعض 😂💔
وياريت مقتنعين ب انه احنا لينا دور و ده مجالنا لا هما بنسبالهم الشغل بيتحسب بتنسيق وطول ما هما أعلي ف التنسيق يبقا من حقهم يشتغلوا ف اي حاجة عشان زراعة دي تنسيقها وحش وبتخرج فشله بيروحوا يلعبوا ف الكلية ويروحوا!
