مدونه السلام وقناه الابداع - قسم علوم وتكنولوجيا الأغذية (الصناعات الغذائية) من أهم الأقسام فى كلية زراعة .. وده لإن مجالاته بتختص بأ...
مدونه السلام وقناه الابداع
- قسم علوم وتكنولوجيا الأغذية (الصناعات الغذائية) من أهم الأقسام فى كلية زراعة .. وده لإن مجالاته بتختص بأهم شئ فى حياة الإنسان وهو : "الغذاء" ده غير إنه بيضم قطاع الزراعة والصناعة فى نفس الوقت كحلقة وصل بينهم .. *خريج القسم بيكون عليه مسؤولية و أمانه لتوفير غذاء آمن للناس .. أول_هام : مجال الدراسة اللي بيدخل قسم علوم وتكنولوجيا الأغذية بيدرس ..
- الكيمياء الحيوية. - الكيمياء التحليلية. - الميكروبيولوجى والبكتريولوجى. - كيمياء تحليل الأغذية.
- كيمياء الحبوب والمخبوزات. - تكنولوجيا الزيوت والدهون والمنتجات الغذائية. - تصنيع اللحوم والدواجن والأسماك ومنتجاتهم. - تعبئة وتغليف المواد الغذائية وحفظ الأغذية و كل ما يخص التصنيع الغذائي وأساسياته.
- تغذية الإنسان. المواصفات القياسية للأغذية. جودة وسلامة الأغذية وطرق حفظها ومشاكل الغذاء.
#ثانى_هام : مجالات العمل لخريجى قسم علوم الاغذية
#ثانى_هام : مجالات العمل لخريجى قسم علوم الاغذية
١- مبدئياً فتح معامل التحاليل الطبية. وده متاح لكل خريجي كلية الزراعة بجميع أقسامها ، وده بحكم القضاء بشرط الحصول علي دبلومة التحاليل الطبية ودى متوفرة.
٢- العمل في مجال التغذية العلاجية
وده انتشر كتير جداً دلوقتى نظراً لأن المشاكل الصحية ليها صلة وثيقة بالغذاء والتغذية.
٣- مهندس جودة وإنتاج أو مراقب جودة في كل مصانع الصناعات الغذائيه .. مثل : جهينه - فرجللو - نستلة - أمريكانا - مصانع البيبسي والكوكاكولا ـ شيبسي ـ مصانع الحلويات - مصانع السمن والزيوت - شركات استخلاص الزيوت - ومصانع السكر - المطاحن - مصانع اللانشون والتونة - مصانع المربي والصلصة - ثلاجات حفظ الاغذية .. وغيرها كتييير. وفي طلب كبير جداً من المصانع لخريجى علوم وتكنولوجيا الاغذية.
٤- ممكن تشتغل في مركز بحوث الأغذية.
٥- التموين و الجمارك و التغذية بالمدن الجامعية والمستشفيات وفي الرقابة علي الأغذية.
٦- ممكن تعمل دبلومة في كلية التربية وتشتغل في التدريس (مدرس علوم او أحياء او كيمياء او اقتصاد)
٧- ممكن تشتغل في مجال تعبئة وتجميد اللحوم وطرق حفظها او تصنيع اللحوم بمختلف أنواعها.
ولو عايز تعرف إيه الشركات اللى ممكن تروحها كمهندس صناعات غذائيه .. ادخل أي سوبر ماركت كبير زى مثلا أولاد رجب أو خير زمان و شوف كل المنتجات الغذائية الموجودة فيه .. واعرف اسماء شركاتها وده كله ممكن تشتغل فيه لأن أنت كمهندس صناعات غذائيه المسئول عن المنتجات دى وعن تصنيعها وعن طريقه حفظها وصلاحيتها ..
وده شغلك - وأخيرا من يملك الغذاء يملك كل شئ .. حلمنا نصنع غذائنا بأيدينا
تابع أيضا
